प्रोटीन बार 

आजकाल आपण खुप health concious झालेलो आहोत. त्यात धावपळीचे आयुष्य आहे, स्वतः कडे लक्ष द्यायला वेळ नसतो.कारण घाई,वेळ कमी व खुप काम! अशावेळी एखादा पट्कन खाता येणारा,पोषणमूल्ये जास्त असणारा पदार्थ हाताशी असेल तर सोयीचे होते. तर असा पदार्थ  कोणता ? तो आहे 'प्रोटीन बार ' सगळ्या निकषांमध्ये बसतो. Sugar free, healthy, खायला व साठवायला सोईचा, लहानापासून मोठ्यांपर्यंत सर्वांना खाता येतो. तर कसा करायचा? साहित्य व कृती पाहा,👇 

साहित्य:-

• खजूर - २०० ग्रॅम

• बदाम बी- २००ग्रॅम

• काजू - २०० ग्रॅम

• अक्रोड - १०० ग्रॅम

* डिसिकेटेड कोकोनट - ५०ग्रॅम

• मगज बी - ५० ग्रॅम

• सूर्यफूल बी -५० ग्रॅम

• वॉटर मेलन बी -५० ग्रॅम

• जवस -५० ग्रॅम 

• तीळ - २५ ग्रॅम

• खसखस - १५ ग्रॅम

• ओट्स पावडर - दोन tsp

* बटर पेपर/अल्युमिनियम फॉइल 

कृति:-

प्रथम खजूर बुडेल इतके कोमट पाणी घेऊन त्यामध्ये खजूर अर्धा तास भिजत ठेवावा.

खजूर भिजेपर्यंत काजू, बदाम,अक्रोड अर्धे-अर्धे कापून घ्यावेत.ओट्स ची भरड पावडर करून घ्यावी. 

आता कापलेले काजू,बदाम,  सर्व बिया साधरण गरम करून घ्यावे.भाजायाचे नाही फक्त कुरकुरीत व्हावे इतपतच. तीळ,खसखस,खोबरे,जवस खमंग भाजून घ्यावे. स्वाद छान येतो. 

आता भाजलेले साहित्य गार होईपर्यंत खजूर भिजला असेल, त्याची मिक्सर मधे पेस्ट करावी. पेस्ट पॅनमध्ये घेउन मिळून येईपर्यंत परतावी. Pan सोडायला लागला की, आधी तयार करून ठेवलेले सर्व साहित्य मिसळावे. व्यवस्थीत हलवून एकत्र गोळा करावा व काठाच्या थाळीला किंव्हा ट्रे ला थापावे. थंड झाले की आवडीच्या आकारात वड्या कापाव्यात.

कापलेल्या वड्या/बार बटर पेपर कीव्हा फॉइल मधे एक एक गुंडाळून डब्यात भरुन ठेवा. हवे तेंव्हा खा, मुलाना डब्यात द्या. वयस्क मंडळींना सकाळी एक वडी कप भर दूध द्या. 

टीप:-

• Dry fruits आवडीप्रमाणे कोणतेही घ्यावेत.

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.