कधी कधी घरच्या रोजच्या,घरगुती पध्दतीच्या पारंपरिक भाज्या खाऊन कंटाळा येतो. हाँटेल चवीची भाजी खावी वाटते. तेव्हा असे घरच्या घरीच हाँटेल स्टाईलची भाजी करायची. करायला अगदी सोपी आहे. कशी करायची साहित्य व कृती 👇👇
साहित्य :-
• पनीर २०० ग्रॅम
• सिमला मिरची २नग चौकोनी चिरून
• कांदा मोठा १ चौकोनी तुकडे करून
• लाल टोमॅटो मध्यम आकाराचे ३ नग
• कांदे मध्यम आकाराचे २ नग
• आले १ इंच
• लसूण ४-५ पाकळ्या
• हिरव्या मिरच्या २-३
• मीठ चवीनुसार
• कश्मिरी लाल मिरची पावडर २ टीस्पून
• कसूरी मेथी १ टीस्पून
• तेल ३ टेस्पून
• जीरे १ टीस्पून
• पाणी गरजेनुसार
कोरडे मसाले
• धणे १ टेस्पून
• जीरे १ टीस्पून
• मोठी वेलची १
• लहान वेलची ३-४
• दालचीनी १ इंच
कृती :-
प्रथम साहित्यामधे दिलेले कोरडे मसाले भाजून घ्यावेत. नंतर त्याच कढईत १टेस्पून तेल घालून त्यावर कांदा मऊ होईपर्यंत भाजून घ्यावा. कांदा भाजत आला की त्यावरच आले,लसूण व चिरलेला टोमॅटो ,लाला मिरची पूड घालून सर्व चांगले मऊ होईपर्यंत परतून,भाजून घ्यावे. टोमॅटो पुर्णपणे विरघळून लगदा झाला पाहिजे.भाजलेले सर्व साहित्य थंड होऊ द्या.
मसाला थंड होईपर्यंत मोठ्या चौकोनी चिरलेल्या सिमला मिरची, तसाच चौकोनी कांदा व पनीर क्यूब शँलो फ्राय करून घ्यावे.
आता मिक्सरमधे आधी भाजलेल्या कोरड्या मसाल्याची भरड पूड करून घ्यावी. नंतर थंड झालेले कांदा,टोमँटो वाटून पेस्ट करून घ्यावी.
आता कढाईत २ टेस्पून तेल गरम करून जीरे तडतडून घ्यावेत व त्यामध्ये वाटलेली पेस्ट घालून थोडे परतावे . त्यामधे शँलो फ्राय करून घेतलेली सिमला मिरची, कांदा, पनीर सर्व घालावे.आताच तयार केलेला भरड मसाला, कसूरी मेथी, मीठ,साखर घालावे व सर्व भाजी अलगद हाताने, पनीर चुरडणार नाही अशा बेताने हलवावे. गरज वाटल्यास थोडे पाणी घालावे व एक उकळी आणावी.
मस्त चमचमीत हॉटेलसारखे 'कढाई पनीर' तयार! रोटी, चपाती सोबत खा.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
