सहसा चहा किंवा जेवण झाले की मुखशुध्दी म्हणून बडीशेप किंवा सुपारी खाल्ली जाते. परंतु बर्याचवेळा बडीशेप खाल्ली की दातामधे धागे अडकण्याची समस्या येते. तर बडीशेपेची अशी सुपारी करून ठेवली तर तोंडात टाकायला बरी पडते.कशी करायची साहित्य व कृती-👇
साहित्य :-
* बडीशेप २०० ग्रँम
* हिरवी वेलची १० नग
* लवंगा ८ -१० नग
* दालचिनी ४ काड्या
* खडीसाखर ५ ग्रँम ( ऐच्छिक)
* मीठ चिमूटभर
* काश्मिरी सुगंध पानमसाला पावडर अर्धा टीस्पून
कृती :-
प्रथम बडीशेप स्वच्छ करून कढईत गरम करून घ्यावी.
बडीशेप थंड झाल्यावर त्यामधे लवंगा, वेलची दालचिनी, मीठ, साखर सर्व मिसळून एकत्र मिक्सरमधे पावडर करावी.
तयार पावडर हवाबंद बाटलीमधे भरून ठेवावी.
मुखशुध्दीसाठी, सहज सोपी अशी ही मसाला सुपारी तुम्हीही करून बघा.घरातील सर्व वयोगटातील सदस्याना खाता येते व आवडेलही.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
