संध्याकाळच्या खाण्यासाठी काही चटपटीत व पौष्टिक असे खाण्यास काय करावे असा प्रश्न पडला तर नक्कीच हे वडे करून बघा . करायला सोपे , घरातील सामानातच व थोडीशी पूर्व तयारी केली तर एकदम झटपट होणारे ! घरातली मंडळी पण खुष. कसे करायचे पहा .
साहित्य :-
१) दोन ते तीन तास भिजवलेलि चना डाळ २ वाटी +तूर डाळ १ वाटी
२) धुवून बारीक चिरलेली मेथी एक वाटी
३) कांदा बारीक चिरून एक नग
४) कसुरी मेथी एक टीस्पून
५) हिरवी मिरची ,आले ,लसूण पेस्ट
६) मीठ चवीनुसार
७) धना-जीरा पावडर एक टिस्पून
८) हळद ,हिंग
९) तेल टाळण्यासाठी
२) धुवून बारीक चिरलेली मेथी एक वाटी
३) कांदा बारीक चिरून एक नग
४) कसुरी मेथी एक टीस्पून
५) हिरवी मिरची ,आले ,लसूण पेस्ट
६) मीठ चवीनुसार
७) धना-जीरा पावडर एक टिस्पून
८) हळद ,हिंग
९) तेल टाळण्यासाठी
कृती :-
प्रथम भिजवलेलि चण्याची डाळ पाणी काढून मिक्सरवर भरड वाटून घ्या
आता वाटलेल्या डाळी मधे वर दिलेले सर्व साहित्य घालावे. हातानेच सर्व मिश्रण नीट एकजीव करा.
आता तयार मिश्रणाचे लहान- लहान गोळे घ्या व साधारण चपटा आकार द्या व तेलात घाला ,मंद आचेवर खरपूस तळा.
सॉस , हिरवी चटणी सोबत किवा नुसते पण चहा सोबत खाण्यास उत्कृष्ट लागतात . या वड्यांना मेथीचा एक वेगळाच खमंगपणा असतो . तुम्ही पण करून बघा .
आपल्या प्रतिसादाने नवीन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment