कुकरमध्ये सुरळीच्या वड्या / खांडवी (Surali vadi/ Khandavi)
सुरळीच्या वडीला गुजराती बांधव खांडवी म्हणतात. करायला सोपा व खमंग चवीचा पदार्थ असल्याने सर्वजण करतात. बाहेर दुकानातून पण खांडवी, पात्रा ( अळूवडी) असे पदार्थ विक्रीलाही असतात. परंतु आपल्या चवीचे,शुध्द ,कमी खर्चात व जास्त होणारे पदार्थ आपण घरीच केले तर? तर अशीच 'सुरळीची वडी' घरी कशी करायची साहित्य व कृती पहा 👇👇
साहित्य :-
• चणा डाळीचे मऊ पीठ - १ कप
• आंबट ताक/ पातळसर दही - १ कप
• पाणी - २ कप
• हळद- पाव टीस्पून
• मीठ चवीनुसार
• आल-हिरवी मिरची पेस्ट - १ टीस्पून
• ओलं खोबरं, कोथिंबीर
• हिंग, मोहरीची दोन टेस्पून फोडणी
कृती :-
प्रथम मऊ दळलेले बेसन पीठ एका बाऊलमधे घ्यावे, त्यामधे हळद, मीठ, आलं-मिरची पेस्ट घालून एकत्र करावे.
अाता त्यामधे दही व पाणी थोडे -थोडे घालत गुठळ्या न होऊ देता पातळ मिश्रण तयार करावे.
नंतर तयार मिश्रण गाळणीतून गाळून घ्यावे, म्हणजे आलं- मिरची पेस्टचे धागे रहात नाहीत व मिश्रण एकसंध होते.
आता गाळलेले मिश्रण कुकरच्या मोठ्या डब्यात किंवा पातेलीत घालून कुकरमध्ये ठेवून शिजायला ठेवावे. आपल्या घरच्या कुकरमध्ये रोजचा डाळ-भात शिजवताना जितका वेळ लागतो किंवा शिट्ट्या काढतो, तितक्याच शिट्ट्या काढाव्यात. प्रत्येक कुकरचा आकार, गँस वेग वेगळे असते म्हणून शिट्ट्या किंवा वेळ लिहीले नाही.
कुकर झाल्यानंतर ,वाफ गेल्यावर मिश्रण कुकरमधून बाहेर काढावे व परत एकदा चांगले घोटावे व कलथ्याने पटापट स्टीलच्या ताटाला आतल्या व बाहेरच्या दोन्ही बाजूने पसरवून घ्यावे. ही कृती थोडी फास्ट करावी लागते कारण शिजवलेले मिश्रण जसे गार होईल तसे घट्ट व्हायला लागते व घट्ट मिश्रण पसरवता येत नाही.
आता सर्वात शेवटी ताटाला पसरवलेल्या मिश्रणावर आवडीनुसार खोबरे,कोथिंबीर व थोडीशी फोडणीही घालावी .सुरीने उभ्या रेषा माराव्यात व अलगद हाताने एक -एक पट्टीची सुरळी करून एका प्लेटमध्ये ठेवावी.
नंतर सजावटीसाठी वरूनही थोडी फोडणी व खोबरे कोथिंबीर घालून खायला द्यावे.
टिप्स :
• डाळीचे पीठ एकदम बारीक दळलेले असावे.
• दही किंवा ताक किंचित आंबटसर असावे परंतु जुने,वास येणारे नसावे.वडीची चव बिघडू शकते.
• सुरळीच्या आतल्या बाजूला फोडणी पसरवताना अगदी कमी घालावी किंवा त्यातली मोहरी मोहरीच जास्त घालावी. तेलामुळे सुरळी सुटते.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
सुरळीच्या वडीला गुजराती बांधव खांडवी म्हणतात. करायला सोपा व खमंग चवीचा पदार्थ असल्याने सर्वजण करतात. बाहेर दुकानातून पण खांडवी, पात्रा ( अळूवडी) असे पदार्थ विक्रीलाही असतात. परंतु आपल्या चवीचे,शुध्द ,कमी खर्चात व जास्त होणारे पदार्थ आपण घरीच केले तर? तर अशीच 'सुरळीची वडी' घरी कशी करायची साहित्य व कृती पहा 👇👇
साहित्य :-
• चणा डाळीचे मऊ पीठ - १ कप
• आंबट ताक/ पातळसर दही - १ कप
• पाणी - २ कप
• हळद- पाव टीस्पून
• मीठ चवीनुसार
• आल-हिरवी मिरची पेस्ट - १ टीस्पून
• ओलं खोबरं, कोथिंबीर
• हिंग, मोहरीची दोन टेस्पून फोडणी
कृती :-
प्रथम मऊ दळलेले बेसन पीठ एका बाऊलमधे घ्यावे, त्यामधे हळद, मीठ, आलं-मिरची पेस्ट घालून एकत्र करावे.
अाता त्यामधे दही व पाणी थोडे -थोडे घालत गुठळ्या न होऊ देता पातळ मिश्रण तयार करावे.
नंतर तयार मिश्रण गाळणीतून गाळून घ्यावे, म्हणजे आलं- मिरची पेस्टचे धागे रहात नाहीत व मिश्रण एकसंध होते.
आता गाळलेले मिश्रण कुकरच्या मोठ्या डब्यात किंवा पातेलीत घालून कुकरमध्ये ठेवून शिजायला ठेवावे. आपल्या घरच्या कुकरमध्ये रोजचा डाळ-भात शिजवताना जितका वेळ लागतो किंवा शिट्ट्या काढतो, तितक्याच शिट्ट्या काढाव्यात. प्रत्येक कुकरचा आकार, गँस वेग वेगळे असते म्हणून शिट्ट्या किंवा वेळ लिहीले नाही.
कुकर झाल्यानंतर ,वाफ गेल्यावर मिश्रण कुकरमधून बाहेर काढावे व परत एकदा चांगले घोटावे व कलथ्याने पटापट स्टीलच्या ताटाला आतल्या व बाहेरच्या दोन्ही बाजूने पसरवून घ्यावे. ही कृती थोडी फास्ट करावी लागते कारण शिजवलेले मिश्रण जसे गार होईल तसे घट्ट व्हायला लागते व घट्ट मिश्रण पसरवता येत नाही.
आता सर्वात शेवटी ताटाला पसरवलेल्या मिश्रणावर आवडीनुसार खोबरे,कोथिंबीर व थोडीशी फोडणीही घालावी .सुरीने उभ्या रेषा माराव्यात व अलगद हाताने एक -एक पट्टीची सुरळी करून एका प्लेटमध्ये ठेवावी.
नंतर सजावटीसाठी वरूनही थोडी फोडणी व खोबरे कोथिंबीर घालून खायला द्यावे.
टिप्स :
• डाळीचे पीठ एकदम बारीक दळलेले असावे.
• दही किंवा ताक किंचित आंबटसर असावे परंतु जुने,वास येणारे नसावे.वडीची चव बिघडू शकते.
• सुरळीच्या आतल्या बाजूला फोडणी पसरवताना अगदी कमी घालावी किंवा त्यातली मोहरी मोहरीच जास्त घालावी. तेलामुळे सुरळी सुटते.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
No comments :
Post a Comment