नेहमीच आहारात कच्या भाज्या, मोड आलेली कडधान्य असावीत असे म्हणतात .पण या धकाधकीत कुठे सगळे रोज करणे व खाणे जमते ? तर हे सर्व  व झटपट कसे करून  पोटात जाईल ते बघा .

साहीत्य :-

* मूग मोड आलेले
* पातीचा कांदा
* कोबी
* टमाटा
* बीट
* एखादी बारीक चिरून हिरवी मिरची
* कोथिबिर
* लिंबू
* मीठ
* चाट मसाला

कृती :-

वरील सर्व भाज्या स्वच्छ धुवून , बारीक चिरून घ्याव्यात.

एका बाऊलमधे चिरलेले सर्व साहीत्य व मूग घ्या .त्यावर मीठ, लिंबू, चाट मसाला घाला व हलवा.शक्यतो ऐत्यावेळी मीठ लिंबू मसाला घाला.

जेवताना घ्या किवा आधीच जरी भुक लागल्यावर डिश मधे घेऊन खा किवा सकाळच्या नाष्ट्यात घ्या. यावरच संध्याकाळचे वेळी थोडा चिवडा किवा बारीक शेव घालून मुलांना दिले तरी भेळेसारखेपण होते.

भाज्या घरात असतातच .फक्त हिरवे मूग दोन-तीन दिवसातून मोड आणून ठेवा फ्रिजमधे ! केव्हाही खाता येते व पौष्टीक होते.

ज्या काही उपलब्ध असतील त्या भाज्या आपल्या आवडीच्या प्रमाणात घ्या. फक्त घेताना शक्यतो  रोज आलटून पालटून भाज्या घ्या. म्हणजे एक दिवस कोबी तर उद्या त्याजागी काकडी, टोमॅटो आज तर उद्या गाजर, कांदापात/ पालक , लेट्यूस सिमला एकूण काय तर थोडी रंगसंगती व सर्वच आलटून पालटून पोटात जाईल इकडे थोडे लक्ष द्या.

आपल्या प्रतिसादाने नवीन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.

सलाड किंवा कच्या कोशिंबरी, रायते नेहमीच जेवणात असावेत असे सर्वच आहारतज्ञ व घरातील अनुभवी लोक म्हणत असतात.बरेच वेळा आपण वेळ नाही म्हणून पट्कन नुसती पोळी-भाजीच खाऊन घेतो.तसेच जर रोजचा डबा असेल तरी दुपारचे जेवण तितके व्यवस्थित घेतले जात नाही.आज 26 जानेवारी ची सुट्टी असलेने व सर्वजण घरातच असलेने सर्व व्यवथितच लागते.फ्रिज उघडला तर सलाड साठी कोणतीच एक भाजी पुरेशा प्रमाणात नव्हती,मग त्यातून हे सलाड सुचले व नामकरण 'तिरंगा सलाड' असे झाले.ते कसे केले पहा !

साहीत्य :-

1) लाल टोमॅटो 2
2) लाल गाजर 2
3) पांढरा मुळा अर्धा किंवा लहान एक
4) काकडी 1
5) पांढरा कांदा 1
6) हिरवी कांदापात,हिरवी मिरची एक
7) कोथिंबिर मूठभर
8) लिंबू अर्धा
9) काळे मिठ
10) चाट मसाला

कृती :-

  प्रथम सर्व भाज्या स्वच्छ धुवून कोरड्या करून घ्याव्यात.

नंतर सर्व बारीक चिरून घ्यावे.गरज वाटली तर काकडी,गाजर,मुळा याच्या साली काढा.अन्यथा तसेच घ्या.

आता हे चिरलेले साहीत्य सर्व एका बाऊल मधे मिक्स करा व झाकून ठेवून द्या.अगदी ऐत्यावेळी मिठ व चाट मसाला  घालून वर लिंबू पिळून हलवा व पानात वाढा.

रंग-बिरंगी झाल्याने दिसायला खूपच छान दिसते व लहान मुले पण आवडीने खातात.