वाणाचे पापड (Paapad)

'वाणाचे पापड' ही रेसिपी माझी मैत्रिण नेहा सौरभ पाटील हीने दीलेली आहे.मीही करून पाहीली छान वाटली म्हंणून तुमच्या बरोबर शेअर करत आहे.
ही एक कर्नाटक प्रांतातील पारंपारिक रेसिपी आहे..संक्राति दिवशी प्रत्येक सवाष्णींना मातीच्या सुगडामधे हे सात पापड वाण म्हंणून घालून दीले जातात. मूळ रेसिपी पेक्शा साहित्या मधे थोडाफार मी बदल केला आहे. मूळ 2 वाटी कणिक व 1वाटी बेसन किंवा 3 वाटी मैदा व 1 वाटी बेसन होते तर मी दीड वाटी मैदा व दीड वाटी कणिक व एक वाटी वेसन घेतले. छान झाले . साहित्य व कृती :-

साहित्य :-
* कणिक 1 1/2 वाटी
* मैदा 1 1/2 वाटी
* बेसन 1 वाटी
* जीरे 2 टीस्पून
* ओवा 1 टीस्पून
* तिळ 2 टीस्पून
* हळद 1/2 टीस्पून
* मोहन 3 टीस्पून
* मीठा चविनुसार
* तेल तंळणीसाठी
* पाणी

कृती ;-

प्रथम मैदा, कणिक, बेसन व सर्व मसाला कोरडेच एकत्र करून घ्यावे.

नंतर गरम तेलाचे मोहन घालून पीठाला चोळा.

आता गरजे पूरते पाणी घालून कणिक ंघट्ट मळा. दहा मिनिट झाकून ठेवा.

दहा मिनिटानी पुरीच्या आकाराचे पातळ पापड लाटून त्यावर सुरीने टोचे मारा व गरम तेलात तळा.

हे पापड स्नँक्स म्हणून चहा सोबत पण खाता येतात.तसेच पंधरा दिवस पर्यंत चांगले टिकतात. प्रवासातही नेता येतात. तूम्हीही करून बंघा. नक्की आवडतील.

आपल्या प्रतिसादाने नविन गोष्टी करण्यास प्रेरणा मिळते.आपल्या मौल्यवान सूचना व अभिप्राय, आम्हाला ज़रूर द्या.