टोमँटो मिक्स व्हैज सूप ( Mix Veg.Soup)

सूप! नुसते टमाटा सूप नेहमीच केले जाते. आज मी मिक्स व्हैज सूप केले आहे. हे सूप जर रात्रिच्या जेवणा ऐवजी घेतले तरी पोटभरीचे असल्याने भूक लागत नाही. एकदम सोपे व पट्कन होणारे आहे.

साहीत्य :-
* लाल टोमँटो 4 नग
* लाल भोपळा एक वाटी फोडी
* गाजर 2 नग
* लवंगा 4.
* दालचीनी 1इंच
* मिरपूड
* आलं अर्धा इंच
* लसूण 4 पाकळ्या
* गव्हाचे पीठ 1 टीस्पून
* मीठ चविनूसार
* साखर 1 टीस्पून
* पाणी /भाजीचा स्टाँक असेल तर जास्तच चांगले .

कृती :-

प्रथम गाजर व भोपळा साल काढून मोठे तूकडे करून घ्या.

आता कूकरच्या डब्यात टोमँटो, गाजर व भोपळ्याच्या फोडी घाला. त्यासोबतच, गव्हाचे पीठ व मीठ, साखर  सोडून बाकी सर्व घाला व शिजायला ठेवा. एक शिट्टी काढा.

थंड झाले की,लसूण,आलं दालचीनी लवंगा चमच्याने काढून टाका, टोमँटो ची साल काढा व मिक्सरमधे किवा ब्लेडरने घुसळून मीठ व साखर घाला.गरजे इतक पाणी घाला.

आता एका वाटीत गव्हाचे पीठ घेऊन थोडे पाणी घालून पेस्ट बनवा व वरील मिश्रणात मिसळा. सर्व नीट ढवळून गँसवर गरम करायला ठेवावे. चांगले गरम होउन उकळले की गँस बंद करा व गरमा-गरम सूप बाउलमधे काढा. वरून मिरपूड घाला व प्यायला द्या.

आपल्या प्रतिसादाने नविन गोष्टी करण्यास प्रेरणा मिळते.आपल्या मौल्यवान सूचना व अभिप्राय, आम्हाला ज़रूर द्या.