चटपटीत पदार्थ सगळ्यानाच खायला आवडतात.पण चटपटीत म्हणले की तेल आलेच. व आपण जर डाएट काॅन्शिस असू तर मग असे पदार्थ खाताना मनात अपराधीपणाची भावना येते.म्हणून चटपटीत पण पौष्टीक हिरव्या मुगाची टिक्की बनवली.
साहीत्य :-
1) मोड आलेले हिरवे मूग 2 वाट्या
2) उकडलेला बटाटा मोठ्ठा एक
3) मिरची, आले, लसूण पेस्ट आवडीनुसार
4) मीठ चवीला
5) गरम मसाला
6) तेल
7) कोथंबिर
कृती :-
प्रथम हिरवे मूग थोडे वाफवावेत .थंड झाल्यावर थोडे भरडच मिक्सरमधून काढावेत.
आता या मिश्रणात उकडलेला बटाटा मॅश करून घाला. नंतर त्यात मीठ, मसाला व आलं लसूण , मिरची पेस्ट, कोथंबिर घालावी व चांगले एकजीव करावे.
आता तयार मिश्रणाचे आपल्या आवडीच्या आकारमानाचे साधारण चपटे गोळे करा व पॅनमधे तेल सोडून उलटे-पालटे भाजावे.
मस्त खमंग व पौष्टीक टिक्की तयार. साॅस किवा चटणीसोबत सर्व्ह करा.
आपल्या प्रतिसादाने नवीन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment