पाटवड्याचा रस्सा ही पाककृती खानदेश भागातील आहे. तसा हा रस्सा वेगवेगळ्या पध्दतिने बर्याच घरात केला जातो. याची चव मसालेदार व चमचमीतपणा कडे झुकते. आमच्या घरी रोज हिरव्या भाज्या खाऊन कंटाळा आला की, मी बदल म्हणून करते. सर्वाना आवडतो . कसा केला कृती व साहीत्य-:
साहीत्य :-
रश्शयाचे
* कांदा पातळ उभा चिरून एक
* सुकं खोबरं किस अर्धी वाटी
* खसखस 2 टीस्पृन
* ओलं खोबरं अर्धी वाटी
* जीरे अर्धा टीस्पून
* आलं-लसूण पेस्ट 2 टीस्पून
* कोथंबिर
* लाल मिरचीपूड 2 टीस्पून
* धना-जिरा पावडर 2 टीस्पून
* गरम मसाला 1 टीस्पून
* मीठ चविनूसार
* तेल पाव वाटी(कट जास्त हवा असल्र्यास जास्त घ्या)
* हळद,हींग
* पाणी 4-5 वाट्या
पाटवडी साहीत्य :-
* चना डाळ पीठ 2 वाट्या
* तेल पाव वाटी
* आलं-लसूण मिरची पेस्ट 1 टीस्पून
* कोथंबिर व सूकं खोबरं किस सजावटीला
* फोडणी साहीत्य हळद,हींग,मोहरी
* पाणी 3 वाट्या( कमी-जास्त होऊ शकते)
कृती :-
प्रथम सूकं खोबरं, जिरे, खसखस भाजून घ्या. नंतर थोड्या तेलावर कांदा गुलाबी रंगावर परता.
आता मिक्सरमधे ओलं खोबरं व भाजलेले सर्व साहीत्य वाटून पेस्ट करा .
नंतर तेल गरम करून त्यामधे हळद हींग, आल-लसूण पेस्ट घाला. मिरचीपूडही घाला. कटाचा रंग छान येतो. नंतर तयार पेस्ट घालून तेल सुटेपर्यंत परता. मीठ,धना-जीरा पावडर,गरम मसाला घाला. शेवटी पाणी घालून उकळी आणा.
आता पाटवड्यासाठी कढईत तेल गरम करून फोडणी करा. फोडणीमधे आल॔-लसूण मिरची पेस्ट घालून परता. दोन वाट्या पाणी घाला. चविला मीठ, कोथंबिर घाला. उकळी आली की डाळीचे पीठ हलवत- हलवत गुठ्यळ्या होऊ न देता घालावे. एक वाफ आणा. चिमटीने पीठ धरून बघा. बोटाला चिकटले नाही की,झाले.
नंतर ताटात घेऊन पाण्याच्या हाताने मळून घ्या. व थाळ्यामधे आधीच कोथबीर, सुक खोबरं पसरून ठेवा व शेवटी मळलेला गोळा त्यावर थापा. गार झाल्यावर सुरीने वड्या कापा.
सर्व्ह करताना आधि वड्या बाउलमधे घाला व वरून रस्सा घाला. कोथंबिर घाला.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment