आता बाजारात भरपूर प्रमाणात कच्या कैर्या येतात.ज्या मोसमात जी फळे व भाज्या येतात ती भरपूर प्रमाणात त्याचे विविध प्रकार बनवून खावित.कधीही बाधत नाहीत.आरोग्याला चांगलेच असते.कैरीचे खूप पदार्थ बनतात.जसे की पन्हं,लोणच,सरबत,मुरांबा,हिरवी चटणी इ.अशी खूप यादी वाढत जाईल. तर मी आज कैरीची लाल चटणी सांगते.
साहीत्य :-
* कैरी एक मध्यम आकाराची
* तेवढाच एक कांदा
* दाण्याचे कुट दोन टेस्पून
* गुळ लिंबा एवढा -कैरीच्या आंबटपणा नुसार कमी-अधिक करावा
* लाल मिरची पूड आवडीनुसार
* मीठ चवीनुसार
* तेल,हींग,मोहरी,हळद फोडणीसाठी
* कैरी एक मध्यम आकाराची
* तेवढाच एक कांदा
* दाण्याचे कुट दोन टेस्पून
* गुळ लिंबा एवढा -कैरीच्या आंबटपणा नुसार कमी-अधिक करावा
* लाल मिरची पूड आवडीनुसार
* मीठ चवीनुसार
* तेल,हींग,मोहरी,हळद फोडणीसाठी
कृती :-
सर्वात आधि कैरी साल काढून किसून घ्या.कांदा सोलून मोठा-मोठा चिरून घ्या.
आता कांदा,कैरी,गुळ,तिखट,मीठ व दाण्याचे कुट एकत्र करून मिक्सरला वाटून घ्या.
वाटलेला गोळा एका बाउलमध्ये काढा.फोडणी करून घ्या.थोडी थंड होऊ द्या.
आता थंड फोडणी चटणीवर घाला व नीट एकत्र करावी.चटणी तयार!
ही चटणी निरनिराळे पराठे,थालीपिठ,ब्रेडला लावून अथवा जेवणात भाकरी,पोळी बरोबर सुध्दा छान लागते. डब्यात द्यायला किवा प्रवासात सुध्दा सोईची आहे.चार-पाच दिवस फ्रिज शिवाय टिकते.
ही माझी रेसिपी २ मे २०१५ महाराष्ट्र टाइम्स, च्या,"चख दे " या सदरा खाली प्रसिद्ध झाली होती.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment