भेंडी ही सर्वपरिचित भाजी आहे. बहुतांशी लोकांना आवडते.भेंडी मधे अनेक औषधी मूल्ये आहेत.आंतड्यातील दोष, मुत्रमार्गाच्या तक्रारी,जळजळ,सर्दी यावर उपयोगी आहे.तसेच भेंडी कामोत्तेजकही आहे. भेंडीची बर्याच वेगवेगळ्या प्रकारानी भाजी केली जाते.भेंडीच्या जून दाण्याची कढी/आमटी केले जाते. आज आपण क्रिस्पी भेंडी बनवणार आहोत.
साहीत्य :-
* भेंडी पाव किलो
* काॅर्नफ्लोर, चनाडाळ पिठ व तांदुळ पिठ प्रत्येकी 2 टेस्पून
* तिखट,मीठ चवीनुसार
* चिमूटभर आमचूर पावडर
* जीरा पावडर अर्धा टीस्पून
* तेल तळण्यासाठी
* काॅर्नफ्लोर, चनाडाळ पिठ व तांदुळ पिठ प्रत्येकी 2 टेस्पून
* तिखट,मीठ चवीनुसार
* चिमूटभर आमचूर पावडर
* जीरा पावडर अर्धा टीस्पून
* तेल तळण्यासाठी
कृती :-
प्रथम भेंडी स्वच्छ धुवून कोरडी करून घ्यावी.नंतर शेंडा बुडखा काढून ती उभ्या चार भागात कापून घ्यावी.
आता कापलेल्या भेंडीवर पीठ सोडून वर दिलेला सर्व मसाला घालून चोळून दहा मि.तसेच ठेवून द्यावे.
आता भेंडीला पाणी सुटले असेल. त्यात राहीलेली पिठे घालून हाताने अलगद अलगद हलवा.भेंडी सर्व पिठे चिकटतील.गरज वाटली तर पाण्याचा हात घ्यावा. व भेंडी फारच पाणी सुटले असेल तर आवडीचे कोणतेही पीठ अजून घालावे.
आता सर्व मसाला व पिठ चिकलेली भेंडी गरम तेलात मंद आचेवर तळा.
तळून टीश्यू पेपरवर काढा.गार झाली की छान कुरकरीत लागते. स्टार्टर म्हणून ,साईड डिश म्हणून अथवा संध्याळचे वेळी खायला चालते.बटाटा फिंगर चिप्स ऐवजी मुलाना असे हेल्दी चिप्स म्हणून पण आपण देऊ शकतो.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment