आपण अनेक प्रकारच्या गोड/ तिखट वड्या नेहमीच करत असतो. गोड वड्यामधे सुध्दा गाजर,टोमॅटो,भोपळा,गुलकंद आंबा इ.अनेक प्रकारच्या वड्या करता येतात.त्यातीलच एक आंबा वडी ही वेगवेगळ्या पध्दतिने केली जाते. नुसता आंब्याचा रस आटवून ,मावा मिसळून तर कधी ओला नारळ मिसळून करतात. आज मी ओला नारळ घालून वडी केली.कशी पहा.
साहीत्य :-
* नारळ खवलेला ४ वाट्या
* साखर ४ वाट्या
* आंब्याचा रस २ वाट्या(मध्यम २ आंब्यांचा)
* वेलचीपूड
* मिल्कपावडर २ टेस्पून
* पिठीसाखर २ टेस्पून
* तूप १ टीस्पून
* साखर ४ वाट्या
* आंब्याचा रस २ वाट्या(मध्यम २ आंब्यांचा)
* वेलचीपूड
* मिल्कपावडर २ टेस्पून
* पिठीसाखर २ टेस्पून
* तूप १ टीस्पून
कृती :-
प्रथम एक जाड बुडाची कढई/पातेले घ्यावे. त्यामधे खवलेला नारळ ,साखर व आंब्याचा रस एकत्र करावा. भांडे मध्यम आचेवर गॅसवर ठेवावे.
मिश्रण सतत हलवत रहावे . खाली लागण्याची शक्यता असते.साधारण आळत आले की,त्यामधे मिल्कपावडर व पिठीसाखर घालावी. परत एकसारखे हलवत रहावे.मिश्रण एकत्र गोळा होऊन कढईपासून सुटायला लागले की तयार झाले असे समजावे व गॅस बंद करावा.वेलचीपूड घालावी व आधिच तूपाचा हात लावून तयार केलेल्या ताटामधे ओतावे. व जाड प्लास्टीक बॅग पसरून हाताने अलगद थापावे.
थोडे थंड झाले की चाकूने रेषा पाडून ठेवाव्यात. पुर्ण थंड झाल्यावर वड्या काढाव्यात व डब्यात भरून ठेवाव्यात.
टीप :- या वड्या शक्यतो चार-आठ दिवसात संपवाव्यात.ओला नारळ असल्याने खराब होण्याची शक्यता असते.अन्यथा फ्रिज मधे ठेवून खाव्यात.
आपल्या प्रतिसादाने नवीन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment