डोसा करायचा म्हणजे बरीच वेळखाऊ प्रक्रिया. डाळ तांदुळ ५ -६ तास भिजवणे,वाटणे,आंबवणे मग डोसा खायला मिळणार. तर कधी खायची इच्छा झाली व लगेच झटपट खायला मिळावा वाटले तर असा ब्रेडडोसा करून बघा. साहित्य व कृती-👇
साहित्य :-
* ब्रेड स्लाइस कडा काढून ८
* रवा १/२ वाटी
* तांदुळाचे पीठ २ टेस्पून
* दही पाव वाटी
* पाणी गरजेनुसार
* मीठ चवीनुसार
कृती :-
प्रथम ब्रेड कुस्करून त्यामधे सर्व साहित्य घालावे व अर्धा तास झाकून ठेवावे.
नंतर मिक्सरमधे फिरवून काढावे. गरज वाटली तर पाणी घालावे व नेहमीच्या डोसा बँटर प्रमाणे बँटर तयार करावे.
नंतर तवा गरम करून तव्यावर वाटीने पीठ पसरून, कडेने तेल सोडून नेहमीप्रमाणे डोसे काढावेत.
तयार डोसे हिरव्या चटणी सोबत खायला द्यावेत.
आपल्या प्रतिसादाने नव-नविन पदार्थ करण्यास प्रेरणा मिळते. आपल्या मौल्यवान सुचना व अभिप्राय, आम्हाला ज़रूर द्या.
No comments :
Post a Comment