सामान्यपणे उन्हाळा संपत आला की,त्याआधी
निरनिराळी लोणची,मुरांबे,साखरआंबा, सांडगे, पापड,कुरडया या वस्तू पूढे येणारा पावसाळा सुखकर जावा या हेतूने केल्या जातात. साखरआंबा साधारणपणे तोतापुरी आंब्याचा करण्याची पध्दत आहे.कारण तो आंबट नसतो त्यामुळे त्याला साखर कमी लागते. पण मी आंबा संपत आला की शेवटी शेवटी हापूस आंब्यातिलच थोडे हिरवट व घट्ट आंबे घेऊन साखरआंबा करते. कारण हापूसचा जो एक विशिष्ट स्वाद, रंग असतो तो इतर कुठल्याही आंब्याला नसतो. कसा केला पहा.
साहीत्य:-
* मोठे आंबे २ नग
* साखर ४ वाट्या
* पाणी २ वाट्या
* लिंबूरस २ टीस्पून
* वेलचीपूड
कृती:-
* मोठे आंबे २ नग
* साखर ४ वाट्या
* पाणी २ वाट्या
* लिंबूरस २ टीस्पून
* वेलचीपूड
कृती:-
प्रथम आंबा साल काढून त्याच्या साधारण चपट्या व रूपयाच्या नाण्याएवढ्या आकाराच्या फोडी करून घ्याव्यात.
साखरेत पाणी घालून मंद गॅसवर पाक करण्यास ठेवावे. सतत ढवळत रहावे व पक्का गोळीबंद पाक करावा.तयार पाक खाली उतरवून त्यात लिंबूरस व वेलचीपूड घालावी. आता त्यात चिरलेल्या आंब्याच्या फोडी घालाव्यात. व एक तास झाकून ठेवून द्यावे.
एक तासाने पाक सैल झालेला दिसेल व फोडी मऊ झालेल्या असतील. आता परत पातेले गॅसवर ठेवून त्याला एक उकळी आणा. आंब्याच्या फोडी पारदर्शक दिसू लागतील .गॅस बंद करा. थंड होऊ दे.
आता थंड झाल्यावर दाटसर दिसू लागेल. आता घट्ट झाकणाच्या व काचेच्या कोरड्या बरणीत भरून ठेवा. गरम पोळी , फुलके किंवा ब्रेड सोबत केव्हाही खाता येते.तसेच ब्रेडला लावून डब्यात देण्यास पण सोईचे होते.
टीप :- आंबे एकदम पिकलेले मऊ नसावेत. पिकलेले पण कडक असावेत. तोतापुरी आंबे व पिकत आलेले हापूस आंबे असे दोन्ही निम्मे निम्मे घ्यावेत. जास्त चांगला साखरआंबा होतो.
आपल्या प्रतिसादाने नवीन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
This comment has been removed by a blog administrator.
ReplyDelete