एखादा पदार्थ अचानक करायचा मनात येते. मात्र त्यासाठी लागणारे सर्व साहित्य घरातच उपलब्ध असेल असे नाही. बाजारात सर्व रेडीमेड मिळते पण आणायला वेळ नाही. मार्केट जवळ नाही. अशावेळी काय पर्याय? तर घरीच बनवावे. अशा साहित्यापैकीाच "मेयाेनिज " नेहमी घरात असेलच असे नाही. कारण बर्गर, पिझ्झा असे पदार्थ आपण काही रोज करत नाही. तर आज बर्गर करण्याचा मुड होता. बर्गर पाव दोन दिवसापासून आणून ठेवला होता. मेयाेनिज सोडून बाकी सर्व साहित्य होते. मग काय गुगलवर मेयाेनिज च्या बर्याच वेगवेगळ्या रेसिपीचा शोध, अभ्यास झाला व घरीच "मेयाेनिज" तयार केले. मस्त बाहेरच्यासारखे हुबेहूब जमले. कसे केले साहित्य व कृती-👇
साहित्य :-
* फुलक्रीम दूध १/४ कप
* तेल 3/४ कप
* चिमुटभर मीठ
* मिरपूड १/४ टीस्पून
* मोहरी पूड १/२ टीस्पून
* व्हिनेगार १ते २ टीस्पून
कृती :-
प्रथम थंड दूध व तेल मिक्सर जारमधे घालावे. नंतर व्हिनेगार सोडून सर्व साहित्य घालावे. थोडे घुसळावे.
आता व्हिनेगार घालून परत एकदा फिरवावे. हलके -हलके फ्लपी दिसू लागले की 'मेयाेनिज' तयार झाले.
बर्गर, पिझ्झा, सैंडविच कशालाही लावून खावे. फ्रिजमधे आठ दिवस टीकते.
टीप:
* आपण व्हिनेगारला पर्याय म्हणून लिंबू वापरू शकतो.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment