बेळगावी कुंदा ( Belgaon Kunda)

बेळगावी कुंदा आमच्याकडे सर्वानाच खूप आवडतो. पण आम्ही नेहमी विकत आणूनच खात होतो. टीव्हीवर एका फूड शोमधे मला ही रेसिपी मिळाली, मी लगेच करून पाहीली मस्त जमली मग आता तूम्हाला सांगते. बघा साहीत्य व कृती,

साहीत्य :-

* साखर अर्धा वाटी
* डिंक १ टेस्पून
* रवा १ टेस्पून
* तूप १ टेस्पून
* दही १ टेस्पून
* दूध १/२ लिटर
* जायफळ, वेलची पावडर आवडीनुसार

कृती :-

प्रथम साखर कँरेमल करायला एका पॅनमधे घालून बारीक गँसवर ठेवा.

आता कँरेमल तयार होईपर्यंत तूपामधे डिंक फुलवून घ्या.

नंतर राहीलेल्या तूपामधे रवा गुलाबी रंगावर भाजून घ्या.

नंतर त्यामधे तळलेला डिंक घाला. त्यातच कच्चे दूधही घाला. दूध उकळू दे, उकळत असताना दही घाला. हलवत रहा. दूध फाटेल. 

शेवटी तयार झालेले कँरेमल उकळत्या दूधामधे घाला व व्यवस्थित ढवळा. ढवळून जवळपास अर्धा तास उकळत राहू दे.

अर्ध्या तासाने घट्ट गोळा तयार होतो. जायफळ, वेलची घाला व एका खोलगट बाऊलमधे काढा. थंड  होऊ दे. अगदी विकतच्या सारखा तांबूस रंगाचा मस्त कुंदा तयार.

तयार कुंद्यावर चांदीचा वर्ख आवडत असेल तर लावा व खायला द्या.

खूप सोपा व कमी साहीत्यात तयार होतो. छान होतेा. तूम्हीही करून बघा. तूम्हाला नक्की आवडेल.

टीप:- कँरेमल करताना साखर विरघळून तांबूस रंग आला की गँस बंद करा. जास्त करपवले की चव कडवट होते. 

आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.