उपवासाचा ढोकळा (Fasting Dhokala)

उपवास म्हटले की, हमखास काहीतरी खायची इच्छा होते. पण नेहमीचीच शाबूदाणा खिचडी, वेफर्स नको असते. तर पुढील प्रकारे उपवासाचा ढोकळा करा. साहीत्य व कृती,

साहीत्य :-
* वरी तांदुळ १ वाटी
* शेंगदाणे कूट १/२ वाटी
* आंबट ताक
* मीठ, चविनुसार
* हिरवी मिरची, आले पेस्ट
* फ्रूटसाँल्ट इनो एक टीस्पून

कृती :-

प्रथम वरी ताकामधे किमान एक तास भिजत घालावी. नंतर मिक्सरमधे वाटून घ्या. साधारण भजीच्या पीठाइतपत पातळ असावे. पाणी शक्यतो नकोच. जे भिजवलेले ताक आहे त्यातच वाटावे.

नंतर त्यामधे मीठ, मिरची व आले पेस्ट व दाण्याचे कूट घालावे. एकजीव हलवावे. शेवटी ऐनवेळी इनो पावडर घालून हलवावे.

आता लगेच तेल लावलेल्या ढोकळा पात्रात घालून १५ मिनट शिट्टी न लावता वाफवा.

शेवटी तेलामधे जीरे व हिरवी मिरची तुकडे घालून फोडणी करा व तयार ढोकळ्यावर पसरवा.

उपवासा दिवशी हा ढोकळा एकदम पोटभरीचा होतो. वरी असल्याने भूक लागत नाही. व चविला ही छान लागतो. तुम्हीही नक्की करून बघा.

टीप :-  वरील तांदुळ रात्रीच भिजत घातले तर ढोकळा जास्त हलका होतो.

आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.