सत्यनारायण प्रसाद /शिरा ( Halawa)

हा रव्याचा शिरा एक पौष्टीक पदार्थ आहे.नाष्टा म्हणून खाता येतो.तसेच जेवणात पक्वान्न म्हणून पण करता येतो.सगळ्यात महत्वाचे म्हणजे आपल्याकडे प्रसाद म्हणून करतात.खास करून "सत्यनारायण पूजा " या पूजेचा प्रसाद म्हणून रव्याचा शिराच लागतो.प्रसाद असल्याने कोणी नावे ठेवत नाही पण चवदार कसा बनवावा ? ते पहा. साहीत्य व कृती,

साहित्य:-

* बारीक गव्हाचा रवा १ १/४ (सव्वा) वाटी
* साखर १ १/४ वाटी
* तूप १ १/४ वाटी
* पाणी व दुध मिक्स २ १/२ वाट्या (दोन्ही निम्मे-निम्मे )
* वेलची पावङर,ङ्राय फ्रूट्स आवङीप्रमाणे
* एका पिकलेल्या केळाचे काप
* ङाळींबाचे दाणे आवङीनूसार

कृती:-

प्रथम कढईत तूप गरम करा. त्यात रवा घालून तांबूस होई पर्यंत खमंग भाजून घ्या.रव्याचा  छान वास सुटला कि, त्यात केळाचे काप घाला आणि परता.

नंतर गरम दुध-पाणी घाला आणि ५ मिनिटे झाकून ठेवा. रवा फुलेल व साखरही विरघळते.

गॅस बंद करा. त्यात साखर व ड्राय फ्रूट्स घालून नीट मिक्स करा. झाकण ठेवा व एक वाफ काढा. शिरा तयार.

सजावटीसाठी वरून ङाळींबाचे दाणे घालून शिरा बाप्पाला नैवेद्य दाखवा . आणि जर नाष्टा म्हणून केला असेल तर अजून थोडी तूपाची धार वरून सोडा व खायला द्या. छान लागतो.

टिप:- 

केळाने स्वाद छान येतो.
केळ रवा भाजत आल्यावर घालावे.शेवटच्या दोन परतण्या द्या. काळे पडत नाही.

प्रसादाचा शिरा करताना सर्व साहीत्य सव्वा पटीत घेतात.तसेच पाण्या ऐवजी सर्व दूधच वापरावे.

आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.