आतले सारण तयार असेल तर पट्कन अगदी आयत्यवेळी सुध्दा तयार होणारा प्रकार म्हणजे हे ब्रेडरोल ! त्यात आपल्या आवडीनूसार व घरात उपलब्ध सामग्रीनूसार आपण आतले सारण तयार करू शकतो. मी पूढील प्रकारे केले.
साहीत्य :-
1) ब्रेड स्लाईस आपल्या गरजे इतके
2) उकडलेले बटाटे 2 नग
3) मटार पाव वाटी
4) बिन्स चिरून पाव वाटी
5) सोया चंक पाव वाटी
6) पिकलेला टोमॅटो एक चिरून
7) कांदा एक चिरून
8) कोथंबिर
9) आल,लसूण,हीरवी मिरची पेस्ट
10) गरम मसाला
11) चाट मसाला
12) मिठ चवीला
13) तेल व फोडणी साहीत्य
14) तळणीसाठी तेल
15) पाणी
कृती :-
प्रथम सोयाचंक गरम उकळ्त्या पाण्यामध्ये टाकावेत.पाच मिनीटांनी गाळणीने गाळून पाणी काढून टाकावे व हाताने सोयाबिन चूरडून घ्यावे.
आता कढईमधे फोडणीपूरते तेल घालून फोडणी करून त्यात कांदा घालावा नंतर आले लसूण मिरची पेस्ट टाकावी.आता टोमॅटो घालून परता त्यावर बिन्स व मटार टाकून शिजवून घ्या शेवटी उकडलेला बटाटा व सोया चंक घाला.
नंतर त्यावर गरम मसाला, चाट मसाला, मीठ व कोथंबिर घालून नीट हलवावे.कोरडे होईपर्यत परतून गॅस बंद करावा व सारण थंड होऊ द्यावे.
आता कडा काढून एक-एक ब्रेड स्लाईस पसरट भांड्यात पाणी घेऊन त्यात बुडवून काढावा व तळहाताने दाबून पाणी काढावे.त्यामध्ये वरील सारण भरावे व हलकेच हाताने दाबत रोल करावा.नीट तोंड बंद करावे व तेलात खरपूस तळावे.
तळून टीश्यूपेपरवर काढा म्हणजे जास्तीचे तेल निघून जाईल.
गरमा-गरम खमंग खुसखूषीत ब्रेड रोल तयार! कोणत्याही चटणी साॅस बरोबर अथवा नुसतेच खाल्ले तरी छान लागतात.
टीप :-सारण तयार करताना तेल कमीत कमी वापरावे.
सारण चांगले कोरडे करून घ्यावे म्हणजे रोल छान खुसखूषीत होतात.
No comments :
Post a Comment