पालक किंवा ओट्स,सोया यांना मूळची अशी चव काहीही नसते.परंतु पोषणाच्या दृष्टीने अत्यंत उपयुक्त असे आहेत.परंतु आपल्याला जिभेला चवदार लागत नसल्याने आपल्या आहारात सहसा वापरले जात नाहीत.तेव्हा ते आपल्या पोटात जावेत म्हणून खाली दिल्याप्रमाणे करायला सोप्पे व खमंग असे नगेट्स बनवून पहा.नक्की सर्वाना आवडतील.
साहित्य :-
* पालकाची धुतलेली सात-आठ पाने
* पोहे १/२ वाटी
* ओट्स १/२ वाटी
* सोया चंकची भरड १/२ वाटी
* उकडलेला बटाटे मध्यम आकाराचे २
* हिरवी मिरची,आले,लसूण पेस्ट १ टीस्पून
* मीठ चवीनुसार
* ब्रेड क्रम्स अर्धी वाटी
* तेल
* लिंबू
* पोहे १/२ वाटी
* ओट्स १/२ वाटी
* सोया चंकची भरड १/२ वाटी
* उकडलेला बटाटे मध्यम आकाराचे २
* हिरवी मिरची,आले,लसूण पेस्ट १ टीस्पून
* मीठ चवीनुसार
* ब्रेड क्रम्स अर्धी वाटी
* तेल
* लिंबू
कृती :-
प्रथम पालकाची पाने ब्लांच करून घ्यावीत.नंतर त्यातील पाणी गाळून काढावे व पालक आणी पोहे एकत्र थोडा लिंबू पिळून वाटून घ्यावे.(लिंबूने पालकाचा रंग हिरवा रहातो)
नंतर पॅनमधे ओट्स व सोया थोडे भाजून घ्यावेत.
आता एका बाउलमधे उकडलेला बटाटा मॅश करावा.त्यामधे वर वाटलेले पालकाचे मिश्रण व भाजलेले। सोया,ओट्स तसेच मिरची,आले लसूण पेस्ट,चवीला मीठ घालून परत थोडा लिंबू रस घालावा.सर्व मिश्रण हाताने चांगले एकजीव करावे व गोळा तयार करावा.
आता तयार मिश्रणाचे लहान-लहान गोळे घेउन आपल्याला हवा तो आकार द्यावा व ब्रेडक्रम्स मधे घोळवून शॅलोफ्राय करावे.
आपले पौष्टीक व चटकदार नगेट्स तयार ! साॅस हिरवी चटणी किंवा नुसतेही चहा बरोबर सर्व्ह करा अथवा जेवणात साईड डिश म्हणून ठेवा.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
No comments :
Post a Comment