मेथी-पालक पकोडे (Methi-Palak Pakode)

मेथी व पालक या तशा सहज उपलब्ध होणार्या पालेभाज्या आहेत.तसेच हीवाळ्याच्या मोसमात तर सर्वच भाज्या मुबलक व इतर मोसमाच्या तुलनेने थोड्या स्वस्त मिळतात.त्यामूळे पालक मेथी यांच्या भाज्या, पराठे आपण बनवतोच नेहमी पण थंडीच्या मोसमात थोडे तेलकट,चटपटीत पदार्थ खावून आपल्या जिभेचे चोचले थोडे पुरविले तरी चालते .कारण या दिवसात आपली पचनशक्ती पण चांगली असते.कोणताही पदार्थ पचण्यास सहसा त्रास होत नाही.तर चला,आपण मेथी-पालक घेऊन त्याचे खमंग पकोडे बनवूया.

साहित्य :-

* मेथी धुवून बारिक चिरलेली १ वाटी
* पालक बारिक चिरलेला १ वाटी
* डाळीचे पीठ लागेल तसे.अंदाजे एक वाटी
* तांदुळ पीठ २ चमचे
* मीठ अर्धा टीस्पून
* मिरची पावडर अर्धा टीस्पून,हळद
* धना-जिरा पावडर अर्धा चमचा
* सोडा चिमूटभर
* हींग पाव चमचा
* तेल तळण्यासाठी

कृती :-

प्रथम एका पसरट भांड्यामधे धुवून बारिक चिरलेली मेथी व पालक घ्यावे.त्यावर सोडा व डाळीचे पिठ सोडून सर्व साहीत्य घालावे.नीट एकत्र कालवावे.दहा मिनिट तसेच ठेवा.

नंतर त्यात मावेल एवढेच डाळीचे पिठ घालावे व कालवावे.पाण्याचा वापर करू नये.पालक मेथी एकत्र होणेएवढेच पीठ घालावे.साधारण कोरडे कोरडेच ठेवावे.

आता गॅसवर तेल तापत ठेवावे व ऐत्यावेळी सोडा घालावा व नीट हलवून लहान-लहान भजी हाताने तेलात सोडा.खरपूस ,मंद तळा.

तयार पकोडे साॅस किंवा चटणीबरोबर खाण्यास द्या.असे केलेले पकोडे अत्यंत हलके व खुसखूषीत लागतात.

टीप :-  पाण्याचा वापर केला की पीठाचे प्रमाण वाढते व हलकेपणा व खुसखूषीतपणा कमी होतो.

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.