समोसा (Samosa)

साहित्य :-

सारणाचे
---------
* वाफवलेले मटार १ वाटी

* उकडलेले बटाटे ४  (४००ग्रॅम)
* गरम मसाला अर्धा चमचा
* लाल मिरची पावडर १/२ टीस्पून
* धना-जीरा पावडर १ १/२ टीस्पून
* चाट मसाला १/२ टीस्पून किंवा आमचूर पावडर
* साधारण कुटलेले धणे भरड १ टीस्पून
* आलं- लसूण, हिरवी मिरची पेस्ट आपल्या आवडीने
* कोथिबीर चिरलेली
* मीठ चवीनुसार
* आवडत असेल तर  लिंबू पाव चमचा
* पुदीना पेस्ट / पावडर १ टीस्पून (ऐच्छिक) 

वरच्या पारीसाठी साहित्य :-
----------------------
* मैदा २ कप
* काॅर्नफ्लोअर २ चमचे
* गार मोहन तेल पााव कप 
* चिमूटभर मीठ चवीला
* ओवा पाव चमचा (ऐच्छीक)
* तेल तळणीसाठी
* पाणी १/२ कप पेक्षा थोडे कमीच

कृती

प्रथम मैदा  गारच तेल(मोहन) व मीठ,ओवा घालून कमीत कमी  पाणी वापरून घट्ट भिजवून ठेवा.

नंतर मटार व बटाटा मॅश करून घ्यावे. पँनमध्ये अगदी थोडे तेल घालून त्यात आलं-लसूण, मिरची पेस्ट घालून नंतर त्यामधे  मँश केलेला बटाटा, मटार घालून त्यामधे सारणासाठी दिलेले सर्व मसाले  घालून  मिश्रण तयार करून घ्यावे. मिश्रण चांगले परतून कोरडे करावे. 

आता भिजवलेल्या मैद्याचा एका पोळीएवढा गोळा घेऊन जाडसर पोळी लाटा व मध्यभागी चिरून दोन अर्धे भाग करा.एका मागात तयार सारण भरावे व शंकू सारखा आकार द्यावा.तोंड नीट दाबून बंद करा.असे सर्वे समोसे तयार करून घ्या.

आता गरम तेलात मंद आचेवर तळा.
खुसखूषीत समोसे तयार !


गरमा गरम सामोसे साॅस किंवा हिरव्या चटणी बरोबर सर्व्ह करा.

टीप्स:

* समोसे मंद आचेवरच खरपूस होइपर्यत तळावेत.म्हणजे तरील आवरण खुसखूषीत होते.

* पीठ घट्ट मळावे.

* आतील सारण चांगले कोरडे करून घ्यावे. अन्यथा आतील सारणाच्या ओलाव्याने समोसा तळल्यावर कांही वेळातच म्हणजे गार झाल्यावर मऊ पडतो. 

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.