गाजर ही एक सर्वाना परिचित अशी भाजी आहे . गाजरामध्ये 'अ' जीवनसत्व भरपूर असते.त्यामूळे गाजर डोळ्यांसाठी उत्तम टाॅनिक असून ते शरीर शुध्दीकरणाचे कामपण करते.असे हे गाजर आपण अनेक प्रकारे उपयोगात आणतो. हलवा, खीर, वड्या, भाजी,कोशिंबीर,सॅलड,सूप,केक इत्यादी.पण कच्चीच खाल्यास अधिक उपयुक्त असतात.तरीपण स्वस्त मिळाल्याने एखादेवेळी भरपूर प्रमाणात उपलब्द झाली तर त्यातिल लहान कोवळी गाजरे कच्ची व सॅलड,कोशिंबीर स्वरूपात खावित व राहीलेली मोठी गाजरे किसून पूढे दिल्याप्रमाणे हलवा करून टाकावा.घरातील सर्व मंडळीपण खूष !
साहीत्य :-
१) गाजरे १ किलो ( गाजरे मोठी व लाल रंगाची वेचून घ्यावित )
२) साखर १ वाटी
३) तूप अर्धी वाटी
४ ) वेलची पावडर ,चार-पाच लवंगा
५) सुका मेवा आपल्या आवडीनूसार
६) एक कप दुध व एक लि.दूधाची मलई किवा खवा १०० ग्रॅम
२) साखर १ वाटी
३) तूप अर्धी वाटी
४ ) वेलची पावडर ,चार-पाच लवंगा
५) सुका मेवा आपल्या आवडीनूसार
६) एक कप दुध व एक लि.दूधाची मलई किवा खवा १०० ग्रॅम
कृती :-
प्रथम गाजरे स्वच्छ धुवून,साल काढून किसून घ्यावित.नंतर हा किस हातानेच दाबून पिळून रस काढून बाजूला ठेवा.
आता पॅनमध्ये तूप गरम करून त्यात लवंगा टाकाव्यात व त्यावर किस टाकावा.कोरडा होउन चांगला मऊ होईपर्यंत परतावा.
नंतर दूध व मलई किवा खवा घालावा.दोन-पाच मिनीटे परतवत रहावे.
आता साखर घाला व विरघळेपर्यंत हलवा. थोडे घट्टसर झाल्यावर गॅस बंद करा.
खाली घेऊन वेलची पूड व सुकामेवा घालावा व छानशा बाउल मधे काढून ठेवा.हवे तेव्हा व आवडत असल्यात खायला देताना वरून छानसे चमचा दोन चमचे लोणकढी तूप घालावे व खावा.
असा हलवा दोन-तिन दिवस आरामात टिकतो .फ्रीजमधे ठेवल्यास आठ दिवसपण रहातो.
टीप्स :-
किस पिळून ठेवलेला रस मिठ,साखर घालून पिऊन टाकावा खूप जीवनसत्वे असतात.अथवा सूपमध्ये वापरावा.
साखरेचे प्रमाण आपल्या आवडीने कमी-जास्त करावे.
खवा किंवा दूध,मलई ऐवजी आपल्याकडे जर पेढे शिल्लक असतील तर ते चार-पाच चूरडून घातले तरी चालते.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment