"कच्छी दाबेली मसाला" हा दाबेलीसाठी आवश्यक असतो.हा मसाला बाजारात तयार सुध्दा मिळतो. परंतु शक्यतो गरज असेल तेव्हा घरीच ताजा -ताजा तयार केला तर मसाल्याचा वास अधिक छान उमटतो. व करायला फारसा वेळही लागत नाही तर घरीच तयार करू. साहित्य व कृती-👇
साहित्य :-
* धणेपूड २ टेस्पून
* जीरे १ टेस्पून
* दालचिनी २ इंच
* लवंगा ४-५
* काळे मिरे ७ -८
कृती :-
प्रथम सर्व मसाल्याचे जिन्नस वेगवेगळे व हलकेच, कोरडे भाजून घ्यावेत.
थंड झाल्यावर सर्व एकत्र करून मिक्सरमधे बारीक पूड करावी.
तयार मसाला दाबेलीच्या भाजीत वापरावा.
टिप :- आपल्या गरजेनुसार दिलेल्या प्रमाणात साहित्य जास्त घेऊन जास्तीचा सुध्दा करून हवाबंद बाटलीमधे ठेवला तरी टिकतो. मी लागेल तसा थोडा -थोडाच करते.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment