करून पहावे असे काही

* भाजी, रस्सा यावर तेलाचा। तवंग 
दिसण्यासाठी फोडणीत चिमूटभर साखर  घालावी.भाजीला रंग छान येतो

* दही वड्याचे दही घुसळताना त्यात थोडे नारळाचे दूध घालावे.वडे अत्यंत स्वादीष्ट लागतात.

* थंडीमधे दही लवकर लागत नाही म्हणून कुकर गरम करून त्यात भांडे ठेवावे.व झाकण बंद करावे.

* कोथिंबिर निवडल्यावर देठे टाकून न देता, त्यामधे मिरची व कच्चे शेंगदाणे घालून थोड्या तेलावर परतावे आणि चवीला मीठ घालून वाटावे.छान चटणी बनते.

* गवारीची भाजी शिजवताना थोडे दूध घालावे.भाजी मिळून येते.

* भजी करताना नुसते डाळीचे पिठ घेण्याऐवजी जोडीला थोडे तांदुळ किवा ज्वारीचे पिठ घ्यावे. भजी कुरकूरीत होतात. तसेच पचनाला पण त्रास होत नाही.

* भाज्या आधि धुवून मगच चिराव्यात. म्हणजे त्यातील  व्हिटामिन जात नाहीत.