दाल मखनी (Dal Makhani)

"दाल मखनी" ही पंजाबी डिश आहे. हाँटेलमधली सर्वात जास्त खाल्ली जाणारी, सर्व वयोगटातल्या लोकांच्या आवडीची व करायला पण सोप्पी अशी आहे. कशी करायची साहित्य व कृती,

साहित्य :-
* अाख्खे काळे उडीद १ वाटी
* राजमा किंवा आख्खी मसूर १/४ वाटी
* मोठा कांदा १ बारीक चिरून
* टोमँटो २ मध्यम पेस्ट करून
* आलं-लसूण हिरवी मिरची पेस्ट २ टीस्पून
* लाल मिरचीपूड १ टीस्पून
* गरम मसाला १ टीस्पून
* धना-जिरा पावङर १ टीस्पून
* आमचूर पावडर १/२ टीस्पून
* कसूरी मेथी २ टीस्पून (ऐच्छिक)
* मीठ चविनूसार
* फ्रेश क्रिम २-३ टेस्पून /दूध अर्धा कप
* बटर २ टेस्पून
* जीरे अर्धा टीस्पून
* कोथिंबिर बारीक चिरून
* हळद पूड अर्धा टीस्पून

कृती :-
प्रथम ६ ते ८ तास भिजलेले उडीद व राजमा कुकरला ३ -४ शिट्या काढून मऊ शिजवून घ्यावेत.

नंतर पँनमधे बटर गरम करून जीरे,हळद  घालावे. त्यावर चिरलेला कांदा व आलं -लसूण,मिरची पेस्ट टाकून परतावे.

आता टोमँटो पेस्ट घालावी. त्यावर लाल मिरचीपूड, गरम मसाला, मीठ, कसूरी मेरी घालून तूप सुटेपर्यंत परतावे. थोडे पाणी घालून, वर झाकणी झाकून पाच मिनिट शिजू द्यावे.

पाच मिनिटानी तयार मसाल्यामधे, मऊ शिजवून घेतलेले उडीद व राजमा /मसूर घालावे. आवडीनुसार अजून थोडे पाणी घालावे. परंतु जास्त पातळ करू मधे. घटसरच ठेवावे. घेतलेल्या पैकी निम्मे क्रिम घालावे व सर्व व्यवस्थित ढवळून गँस एकदम लहान करून किमान १० मिनिट झाकून शिजू द्यावे.महत्वाचे म्हणजे जितके जास्त शिजेल तितकी चव अधिक चांगली लागते. मोठ-मोठ्या रेस्टोरेंट मधे अधिक चांगल्या चविसाठी रात्रिच मंद आचेवर शिजत ठेवतात.

शेवटी बाऊलमधे काढून शिल्लक क्रिम व कोथंबिर वरून घालावे व गरमा-गरम फुलके, रोटी, चपाती आवडेल त्यासोबत खावे. खूप अप्रतिम लागते. तुम्हीही करून बघा नक्की आवडेल. कसे झाले कळवायला विसरू नका.

आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.