"वेज उत्तप्पम" नाष्ट्याचा पदार्थ आहे. परंतु एखादे दिवशी फारशी भूक नसेल तर दोन उत्तप्पम खाल्ले तरी,वर भाज्या असल्याने पोटभरीचे होते. पीठ फ्रिजमधे तयार करून ठेवले व ऐत्यावेळी पट्कन भाज्या चिरून घेतल्या तर खूप कमी वेळेत नाष्टा तयार होतो. कसे करायचे, साहित्य व कृती 👇 👇 👇
साहित्य
बँटरसाठी-
° मोठा तांदुळ 3 वाट्या
° उडीद डाळ १ वाटी
° पातळ पोहे १ वाटी
° मेथीदाणे १/२ टीस्पून
° मीठ चविनुसार
° पाणी भिजविण्यासाठी
टाँपिंगसाठी
° कांदा उभा पातळ चिरून
° टोमँटो, शिमला, गाजर, बीन्स,कोबी, हिरवी मिरची व कोथंबिर सर्व बारीक चिरून घ्यावे. भाज्यांचे प्रमाण आवडीनुसार.
° मीठ चविनुसार
° तेल
कृती :-
प्रथम तांदुळ, उडीद डाळ व मेथी ५-६ तास वेगवेगळे भिजवावे.
नंतर भिजलेली डाळ,मेथी पाणी निथळून वाटावी.बाऊलमधे काढावी. आता तांदुळ व पातळ पोहे एकत्र वाटावे. वाटलेल्या डाळीच्या मिश्रणातच एकत्र काढावे व सर्व मिश्रण ढवळावे. अंबण्यासाठी ७ -८ तास ठेवावे. अांबल्यानंतर तयार पीठात मीठ घालावे. बँटर तयार.
आता एका बाऊलमधे कांदा व चिरलेल्या भाज्या एकत्र करून त्यावर मीठ घालावे.टाँपिंग तयार.
नंतर गँसवर तवा गरम करावा. डोशा प्रमाणे तेल पाणी शिंपङून तवा तयार करावा व त्यावर तयार पीठाचे थोडे जाडसर मिश्रण डावाने पसरावे. त्यावर तयार भाज्याचे मिश्रण पसरावे. थोडे तेल सोडावे व खरपूस होईपर्यंत मंद आचेवर, वरून झाकण ठेवून भाजावे. नंतर उलटून दुसरी बाजूही थोडी भाजावी.
तयार "वेज उत्तप्पम" आवडीची कोणतीही चटणी, साँस बरोबर खायला द्यावे.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
Liked... Good One
ReplyDelete