हिवाळ्याच्या दिवसात गाजरे मुबलक प्रमाणात येतात व स्वस्त पण असतात. गाजर डोळ्यासाठी अत्यंत उपयोगी असते.तसेच गाजरामधे विटामिन 'ए' भरपूर प्रमाणात असते.त्यामुळे त्याचा जास्तीत-जास्त वापर आपण आहारात करून घ्यावा.पण नेहमीचेच सूप,कोशिंबीर गोड हलवा खाण्याचा कंटाळा येतो.अशावेळी पुढील प्रकारे चटपटीत व खमंग असे 'गाजराचे रोल' बनविता येतील.
साहित्य:-
* गाजराचा किस २ वाट्या
* गव्हाचे पीठ १ वाटी
* चना डाळ पीठ १ वाटी
* तांदुळ पीठ २ टेस्पून
* धना-जीरा पावडर १टीस्पून
* हळद
* मीठ चवीनुसार
* कोथिंबीर,मिरची,आले-लसूण पेस्ट २ टीस्पून
* चिमूटभर सोडा
* तेल
* फोडणीसाठी मोहरी,हींग,तिळ,कडीपत्ता
* गव्हाचे पीठ १ वाटी
* चना डाळ पीठ १ वाटी
* तांदुळ पीठ २ टेस्पून
* धना-जीरा पावडर १टीस्पून
* हळद
* मीठ चवीनुसार
* कोथिंबीर,मिरची,आले-लसूण पेस्ट २ टीस्पून
* चिमूटभर सोडा
* तेल
* फोडणीसाठी मोहरी,हींग,तिळ,कडीपत्ता
कृती:-
प्रथम गाजराचा किस एका बाऊलमधे घ्यावा. त्यामधे गव्हाचे पीठ ,डाळीचे पीठ,तांदुळाचे पीठ व वरील सर्व मसाला घालावा.चिमूटभर सोडा व दोन चमचे तेल घालावे व नीट एकत्र करून गोळा मळावा.गरज वाटली तर थोडा पाण्याचा हात घ्यावा.
आता तयार गोळ्याचे लहान-लहान गोळे घेऊन लांबट गोल रोल करावेत आणि गॅसवर पातेले अगर स्टीमर मधे दहा मिनीट वाफवावेत.
थंड झाल्यावर कढई मधे मोहरी,हींग,तिळ,
कढीपत्ता घालून फोडणी करावी व त्यात तयार रोल टाकून थोडे परतावे.
कढीपत्ता घालून फोडणी करावी व त्यात तयार रोल टाकून थोडे परतावे.
आपले खमंग व पौष्टीक गाजर रोल तयार ! चहा बरोबर किंवा जेवणात सुध्दा साइड डीश म्हणून खाता येतील.
टीप :-
पीठ मळताना शक्यतो पाण्याचा वापर करू नये गाजराच्या किसात मावेल एवढीच गव्हाचे पीठ व डाळ पीठ घ्यावे.म्हणजे गाजराचा रंग ही उठून येतो व रोल हलके पण होतात.
हे रोल मायक्रोवेव्ह ओव्हन मधे पण आपण बेक करू शकतो.हाय टेंप.ला ३-४ मि .झाकून बेक करावेत.स्टैंडींग टाईम २ मिनिट द्यावा.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
No comments :
Post a Comment