चोको कुकीज (Choco Cookies)

साहित्य:-

* मैदा १ किलो
* साजुक तूप १/२ किलो (वनस्पति तूप असेल तर पाऊण किलो)
* पिठीसाखर १/४ किलो
* चाॅकलेट चिप्स दोन टेस्पून
* चाॅकलेट इसेंस २ टीस्पून
* बेकींग पावडर एक टीस्पून/सोङा दोन चिमूट

कृती :-

प्रथम मैदा स्वच्छ चाळून घ्यावा.नंतर तूप व पीठीसाखर फुड प्रोसेसर मधे पाच मिनिट फिरवून साखर विरघळून घ्यावी.

आता विरघळलेल्या साखरेमधे मैदा,बेकींग पावडर व इसेंस घालून गोळा बनेपर्यंत फिरवावे

आता तयार मिश्रणाचे हव्या त्या आकाराचा साचा घेऊन अथवा हातानेच लहान-लहान कुकीज बनवून वरून एक-एक चाॅकलेट चिप चिकटवून ट्रेला लावावे व180°-200° ला प्रीहिट ओव्हनला २५-३० मिनीट भाजावीत.

भाजून  झाली की बाहेर ठेवून थंड झाल्यावर हवाबंद डब्यात भरून ठेवावीत. गरम असताना मऊ असतात गार झाल्यावर कुरकुरीत होतात. 

टीप्स:- शक्य असेल तर साजूक तूपच घ्यावे.खूप छान खरपूस वास व चव येते.

फुड प्रोसेसर नसेल तर हाताने तूप फेटावे व नंतर मैदा घालावा व गोळा बनवावा.

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.