वरी तांदळाचा भात व शेंगादाण्याची आमटी (Wari Tandalacha Bhat aani Shengadanyachi Aamati)

साहित्य:-

* वरी तांदूळ १ वाटी
* गरम पाणी २ वाट्या
* तूप किंव्हा शेंगदाणा तेल १ टेबलस्पून
* जिरे १/२ टिस्पून
* हिरवी मिरची
* मीठ- चवीप्रमाणे 

कृती:-

प्रथम वरी तांदूळ धुवून ठेवावेत.नंतर

पातेल्यात तूप गरम करावे, त्यात मिरची, जिरे घालून थोडे परतावे. त्यात धुतलेले वरी तांदूळ घालून थोडावेळ परतावे.

नंतर त्यात गरम पाणी घालावे व चवीनुसार मिठ घालून ढवळावे आणि पातेल्यावर झाकण ठेवून मंद आचेवर वरी तांदूळ शिजू द्यावा.

हा भात नेहमीच्या भातापेक्षा फार लवकर शिजतो.पाच मिनीटात शिजतो.गॅस बंद करून वाफ मूरू द्यावी.भात तयार !.

शेंगदाण्याची आमटी :-

साहित्य :-

* भाजलेले शेंगदाणे १ वाटी
* बटाटे/काकडी तुकडे (ऐच्छिक )
* लाल मिरची पूड/ सुकया लाल मिरचीचे तुकडे (आवडीप्रमाणे)
* जीरे
* तूप /तेल १ टेबलस्पून
* पाणी- अंदाजे तीन-चार वाट्या
* गूळ किंवा साखर चवीनुसार (ऐच्छिक )
* मीठ- चवीप्रमाणे 

कृती:-

प्रथम दाणे , जिरे आणि पाणी एकत्र करून मिक्सर मध्ये बारीक वाटून घ्यावे.नंतर बटाटा/काकडी सोलून त्याचे छोटे तुकडे करावेत.

कढईत तूप गरम करून त्यात जिरे घालून फोडणी करावी. काकडी/बटाट्याच्या फोडी,मिरची पूड व जरासे मीठ घालून परतून घ्याव्यात व मऊ होऊ द्याव्यात.

बटाट्याच्या फोडी शिजत आल्या कि त्यामध्ये दाण्याचे वाटण घालावे.त्यात गरजेनूसार पाणी, मिठ आणि गूळ घालावे.एक उकळी काढून गरमागरम वरीच्या भाताबरोबर वाढावे. ही आमटी नुसतीसुध्दा प्यायलाा छान लागते.   

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.