खव्याचे गुलाबजाम(Gulab Jamun)

गुलाबजाम हा पदार्थ सर्वांच्या परिचया आहे. गुलाबजामचे नांव काढले की च तोंडाला पाणी सुटते. एखादा घरगुती कार्यक्रम असेल तर आदले दिवशी करून ठेवण्यास सोयीचा असतो. व सर्वाना आवडता पदार्थ आहे. कसे करायचे साहीत्य व कृती, 

साहित्य :-

* खवा २५० ग्रँम
* मैदा ३टेस्पून + बारीक रवा १ टेस्पून (दोन्ही मिळून १/४ कप)
* दही १/२ टेस्पून
* साखर २ वाट्या

* पाणी २ वाट्या
* वेलची पूड
* तेल/तूप तळणीसाठी
* खाण्याचा सोडा  चिमूटभर

* रोज इसेन्स

कृती:-

प्रथम खवा मऊ असल्यास हातानेच मळून घ्यावा अथवा घट्ट असल्यास पुरण यंत्राभधून काढून घ्यावा.त्यामध्ये मैदा,रवा,वेलची पूड  सोडा मिसळून चांगले मळून एकजीव करावे. गरज वाटल्यास थोडे
दूध शिंपङावे . 

आता तयार मिश्रणाच्या लहान लहान सुपारी एवढ्या गोळ्या करून मंद आचेवर गुलाबी रंगावर तेलात तळून काढावे. 

नंतर एका जाङ बुङाच्या भांङ्यामध्ये साखर व पाणी एकत्र करून पाक करून घ्यावा. साखर विरघळून एक उकळी आली की पाक झाला. ( पाक जास्त घट्ट असू नये आत शिरत नाही ) 

आता गँस बंद करा व त्यामधे रोज इसेन्स घाला.व तळून घेतलेले गोळे सोङा. २-३ तास चांगले मुरण्यासाठी लागतात.

टिप:- आवङत असल्यास सुका मेव्याचे तूकङे गोळे करताना मधे एक-एक घालावेत. मधे गुलकंद सुध्दा भरता येतो. जास्त चविष्ट लागतात. 

गुलाबजाम पाकात सोडताना पाक गरम व गुलाबजाम गार असावेत. 

आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.