लापशी रव्याची खीर/ गव्हाची हुग्गी ( Lapashi rawyachi kheer )

आपल्याकङे खूपशा कुटूंबामध्ये गणपती अथवा गौरीच्या नैवेद्यासाठी ही खीर करण्याची पध्दत आहे. ऋतुमानानुसार शरिराला आवश्यक असणारे उष्मांक देणारी अशी ही पौष्टीक खीर आहे.

साहीत्य :-

*  लापशी रवा २ वाट्या
* गूळ/ साखर २ वाट्या अथवा आवङीप्रमाणे
* रवा भाजण्यासाठी साजूक तूप २ टेस्पून
* खवलेला  नारळ १ वाटी 

* भाजलेली खसखस , वेलची , काजू बदाम बेदाणे आपल्या आवङीनुसार
* पाणी १ वाटी
* दुध अर्धा लिटर 

कृती:-

प्रथम रवा तूपावर लालसर होईपर्यंत मंद आचेवर भाजावा व त्यामध्ये पाणी घालून वाफवून घ्यावा. 

नंतर त्यामध्ये गूळ/साखर , नारळाचा खव, खसखस वेलचीपूङ व निम्मे दूध घालून एक उकळी आणावी.

या खीरीमध्ये दूध जरा जास्त शोषले जाते म्हणून खीर थंङ झाल्यावर वाढताना ठेवलेले निम्मे दूध व  सूका मेवा घालावा.

गरमा-गरम खीर तूपाची धार सोडून एक बाऊलभर खाल्ली तर पोट एकदम भरते व दमदार असते. 

टीप:- काहीजण रवा भाजून उकङवण्यासाठी कूकरमध्ये ठेवतात पण त्यामूळे खीर फार गुळगूळीत होते . शक्यतो सुटीच वाफवावी.चव टिकून रहाते.

आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.