सोलकढी(Solkadhi)

साहित्य:

* आमसोल ७-८ नग
* ओले खवलेले खोबरे २ वाट्या
* मीठ,साखर चवीप्रमाणे
* आले लसूण पेस्ट लहान अर्धा चमचा
* कोथिंबिर सजावटीसाठी

कृती:

प्रथम सोलं कोमट पाण्यामधे पंधरा मिनीट भिजत घालावित.ती भिजेपर्यंत खोबरे मिक्सरमधे वाटून नारळाचे दूध काढून गाळून घ्यावे.

आता आमसोले पाणी घालून हाताने चुरडावीत व गाळून पाणी (आगळ) घ्यावे.

शेवटी वर काढलेले नारळाचे दूध व सोलाचे आगळ मिक्स करावे.त्यात चवीला मीठ,साखर व आले,लसूण पेस्ट घालावी. वरून कोथिंबिर घालून सजवावे व थंडच सर्व्ह करावे.

अशी ही सोलकढी अतिशय थंड व पित्तनाशक आहे.

टीप : खोबरे वाटताना  कोमट पाणी वापरावे दूध जास्त निघते.

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.