भरली भेंडी ( Stuffed Bhendi)

साहीत्य:-

* भेंडी अर्धा किलो
* चना डाळ पीठ १ वाटी
* भाजलेल्या शेंगदाण्याचे कूट १/२ वाटी
* हिरवी मिरची,आले,लसूण पेस्ट एक चमचा
* मीठ चवीनुसार
* आमचूर पावडर अर्धा टीस्पून
* कोथिंबीर
* मोहरी, हींग, हळद, तेल फोडणीसाठी

कृती:-

प्रथम भेंडी धुवून ,पुसून चांगली कोरडी करून घ्यावी.नंतर देठ व शेंडा कापून मधून पोट फाडून उभी चिरावी. कडेला ठेवून द्यावी.

आता मधल्या सारणासाठी डाळीचे पीठ थोड्या तेलावर भाजून घ्यावे.त्याला तेलाचा वास येणार नाही याची काळजी घ्यावी.म्हणजे वास येणार नाही इतपतच भाजावे.

नंतर हे भाजलेले पीठ,दाण्याचे कूट,आले,लसूण मिरची पेस्ट मीठ आमचूर पावडर सर्व घालून नीट एकसारखे करावे.

नंतर वरील मिश्रण प्रत्येक भेंडीमधे भरावे आणि तेलाची फोडणी करून त्यात अलगद टाकाव्यात.हलक्या हाताने व्यवस्थित हलवाव्यात व पाच मिनिट वाफ येण्यास झाकून ठेवावे.

आता झाकणी काढून परत एकदा नीट हलवावे व गॅस बंद करावा.

तयार भाजी बाऊल मधे काढावी व वरून कोथिंबीर पेरावी.

टीप :- भेंडी घेताना शक्यतो लहान व कोवळी घ्यावी.म्हणजे एका वाफेत शिजते व लहान असल्याने एक-एक उचलून खाणे सोयीचे होते.

तसेच ही भाजी शक्य असेल तर ओव्हन मधेच करावी.झटपट तर होतेच व खालून लागण्याची भिती रहात नाही.

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.