बिट हे एक रसाळ कंद आहे.यात नैसर्गिक साखर विपूल प्रमाणात असूनही कॅलरीज कमी असतात.बिटाच्या सेवनाने रक्तातील हिमोग्लोबिन वाढण्यास मदत होते.तसेच अँनिमिया,मुळव्याध,बध्दकोष्टता या विकारात अत्यंत गुणकारी आहे.अशा या बिटाचा उपयोग विविध प्रकारानी आपल्या आहारात करावा.म्हणून सर्वाना आवडेल अश्या बिटरूट हलव्याची कृती पुढे दिली आहे.
साहीत्य:-
* मध्यम आकाराचे बिट २
* साखर १ वाटी
* सायीसह दूध १ कप
* वेलची पावडर
* ड्राय फ्रूट्स आवडीप्रमाणे
* तूप १ टेस्पून
* साखर १ वाटी
* सायीसह दूध १ कप
* वेलची पावडर
* ड्राय फ्रूट्स आवडीप्रमाणे
* तूप १ टेस्पून
कृती:-
प्रथम बिट साल काढून किसून घ्यावे.किस हाताने दाबून त्यातील रस पिळून काढावा.
आता गॅसवर पॅन ठेवून त्यात आधि तूप घालावे व त्यावर किस टाकून परतावा.
परतून साधारण मऊ झाल्यावर त्यामधे दूध घालावे व आटेपर्यंत शिजवावे.
शेवटी साखर घालून विरघळेपर्यंत हलवावे.
आता तयार हलव्यामधे वेलचीपूड ड्रायफ्रूट्स घालून खायला द्यावे.
टीप :- पिळून काढलेला रस टाकून न देता मिठ मिरपूड घालून पिणास द्यावा अथवा सूपसाठी वापरावा.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
No comments :
Post a Comment