साहित्य:-
* गाईचे दूध अर्धा लिटर
* अर्धा लिंबू
* साखर अर्धी वाटी
* पाणी साखरेच्या तिप्पट
* चिमुटभर सोडा
* अर्धा लिंबू
* साखर अर्धी वाटी
* पाणी साखरेच्या तिप्पट
* चिमुटभर सोडा
कृती :-
प्रथम दूध गॅसवर गरम करण्यास ठेवावे.दूध तापले की गॅस बंद करावा .
एका वाटीत अर्धी वाटी पाणी घेऊन त्यात लिंबू पिळावा व लिंबूचे पाणी तयार करून घ्यावे.
आता हे पाणी गरम दूधामधे ,दूध हलवत-हलवत घालावे.दूध फाटले की थांबावे.
नंतर हे फाटलेले दूध गाळणीवर सुती स्वच्छ कपडा घालावे व त्यावर ओतावे व वरून एक ग्लास थंड पाणी घालावे.म्हणजे जो आपण लिंबू पिळला आहे त्याचा आंबटपणा निघून जातो व पनीर गार पण होते.
आता कपडा पिळून शक्य तितके पाणी काढून टाकावे.पनीर एका डिश मधे काढून घ्यावे व चिमूटभर सोडा टाकून चांगले मळून मऊ करून घ्यावे.गुठळ्या राहू देऊ नयेत.
आता पनीरचे लहान-लहान गोळे करावेत व बाजूला ठेवावेत.
साखर व पाणी एकत्र करून गॅसवर ठेवावे. साखर विरघळून पाणी उकळू लागले की तयार पनीरचे गोळे त्यात सोडावेत व दहा ते पंधरा मिनीट शिजू द्यावेत.चांगले शिजले की रसगुल्ले फुलून मोठे होतात मग गॅस बंद करावा. थोडावेळ रसगुल्ले पाकात राहू द्यावेत.
थंड झाले की मस्त स्पाॅजी रसगुल्ले सर्व्ह करावेत.
टीप :- पाक ऊकळत असतानाच रसगुल्ले सोडावेत.सतत ऊकळतच असावा पंधरा मि पर्यंत.नाहीतर रसगुल्ले पाकात विरघळतात.
आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.
No comments :
Post a Comment