दिवाळीच्या फराळतला शेलका व बहुतेक सर्वाना आवडणारा लाडू म्हणजे बेसन लाडू.आमच्याकडे फराळ बनवायला सुरवात बेसन लाडू पासून असायची. याचे पीठ भाजायला घातले की घरभर, अगदी शेजारी सुध्दा वास जातो. वासावरूनच आज कोणाच्यातरी घरी बेसन लाडू करताहेत ओळखते. लहानपणी आई आम्हाला स्वयंपाक घरातून बेसन भाजत आले की विचारायची, "बाहेर वास येतोय का? ही बेसन भाजल्याची खूण असायची. कधी एकदा लाडू तयार होतील व आपण खातोय असे व्हायचे. चला तर आता साहित्य व कृती पाहू!
साहीत्य:-
* बेसन पीठ (चना ङाळ पीठ) ४ वाट्या
* पीठी साखर ३ वाट्या
* तूप दिङ ते दोन वाट्या
* वेलची पूङ,बेदाणे,काजू
* दुध २ चमचे
* लवंगा ४ -५
* हळदपूड चिमूटभर
* पीठी साखर ३ वाट्या
* तूप दिङ ते दोन वाट्या
* वेलची पूङ,बेदाणे,काजू
* दुध २ चमचे
* लवंगा ४ -५
* हळदपूड चिमूटभर
कृती:-
प्रथम जाङ बुङाच्या कढई मधे तूप घालावे. ते वितळले की,त्यामधे लवंगा टाकाव्यात त्या तळल्या की बेसनपिठ घालावे व मंद आचेवर चांगले तांबूस गुलाबी रंग येइपर्यंत भाजावे.
भाजून झाल्यावर दूध शिंपङावे व चिमुटभर हळद घालावी (रंग छान येतो.) आणि थंङ होण्यासाठी परातीमधे ओतून ठेवावे.
थंङ झाल्यावर मिश्रण घट्ट होते. हाताने मळून एकसारखे करावे व त्यामधे पीठीसाखर वेलचीपूङ घालून पाहीजे त्या साइजचे बेदाणे लावून लाङू वळावेत.
टीप:-
* बेसन पीठ फार मऊ दळून आणू नये,थोङे मोटसर रवाळ असावे. म्हणजे खाताना लाङू टाळ्याला चिकटत नाही.
* शुध्द तूप असेल तर,थोङे कमी घेतले तरी चालते .किवा वनस्पती तूप निम्मे व शुध्द तूप निम्मे घ्यावे .लाङूचे मिश्रण लवकर आळते.व लाङू मऊसर पण होतात.
* शुध्द तूप असेल तर,थोङे कमी घेतले तरी चालते .किवा वनस्पती तूप निम्मे व शुध्द तूप निम्मे घ्यावे .लाङूचे मिश्रण लवकर आळते.व लाङू मऊसर पण होतात.
* पीठ मळल्यमुळे लाडू खाताना टाळ्याला चिकटत नाही. नाहीतर बरेचवेळा पीठ कोमट असतानाच साखर मिसळली जाते. तसे करू नये.
आपल्या प्रतिसादाने नव-नविन पदार्थ करण्यास प्रेरणा मिळते. आपल्या मौल्यवान सुचना व अभिप्राय, आम्हाला ज़रूर द्या
No comments :
Post a Comment