कढीपत्ता चटणी(Curry leaves Chuteney)

कढीपत्यामधे खूप सारे औषधि गुणधर्म आहेत. रोजच्या आहारात जरूर वापर करावा. असे असले तरी बर्याच जणाना कढीपत्ता आवडत नाही. पुढील प्रकारे चटणी करून बघा नक्की आवडेल. साहित्य व कृती, 

साहित्य:-

* जून कढीपत्ता पाने एक वाटी
* सुकं खोबरं पाव वाटी 

* चणाडाळ पाव वाटी 

* उडीद डाळ पाव वाटी
* लाल सुकी मिरची ८-१०
* गूळ सुपारी एवढा खडा 

* चिंच सुपारी एवढी 

* मीठ चविनूसार
* तेल १ टीस्पून 

कृती:-

प्रथम दोन्ही डाळी कोरड्याच भाजून घ्याव्यात. नंतर खोबरं भाजून घ्या. शेवटी तेलावर कढीपत्ता पाने व मिरची तेलावर परतून घ्या. चिंचही थोडी परतावी. सर्व थंड होऊ द्या. 

नंतर थंड झालेले सर्व साहित्य, चविला मीठ घालून मिक्सरमध्ये भरडसर वाटावे.

तयार कोरडी चटणी हवाबंद बाटलीमधे भरून ठेवावी.बरेच दिवस छान टिकते. पोळी सोबत किंवा डोस्यावर पसरून खायला चवदार लागते. 

टीप:
* चटणीत थोडे भाजलेले तीळ, जिरे घातले तरी चालते छान चव येते.
* चटणी भरडच ठेवावी. दाताखाली कण आलेले चांगले लागतात. 

आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.