आप्पे (आप्पम )(Aappam)

प्रकार - १
--------
साहित्य:-

* मोठा तांदूळ दिङ ( १ १/२ ) वाटी
* उङीद ङाळ अर्धी (१/२ ) वाटी
* भिजवलेली चनाडाळ आवडीनुसार
* बारीक चिरलेला कांदा,मिरची,कोथंबिर
* तेल,मीठ,पाणी

कृती:-

 प्रथम तांदुळ व डाळ २-३ तास वेगवेगळे भिजत घालावे .नंतर मिक्सरवर बारीक वाटून दोन्ही डाळ,तादुळ एकत्र करून ६-८ तास झाकून ठेवावे.पीठ चांगले फुलून येते.(fermentation ) होते.

आता करतेवेळी पिठामधे डाळ ,कांदा,मिरची सर्व घालून चवीला मीठ घालावे व व्यवस्थित हलवावे.इङलीच्या पीठाइतकेच पातळ ठेवावे.

आप्पे पात्राला तेलाचा हात पुसावा व तयार पीठ त्याच्या  वाट्यामधून घालावे. व गॅसवर ठेवून झाकून वाफ आणावी. दोन मिनीटानी उघङून बघावे चेंङूप्रमाणे फुलून गोल होतात. भाजले की आपोआप पात्रातून सुटतात.थोङेसे तेल सोङावे व फिरवून वरची बाजूपण थोडी भाजून घ्यावी.   

तयार आप्पे ओल्या खोबर्याच्या चटणी बरोबर सर्व्ह करावेत.

टीप -:- पीठामधे आवडीनुसार गाजराचे तूकङे, ओले मटार आपण घालू शकतो.

प्रकार - २  इन्स्टंट
-------
साहित्य:-
     
* गव्हाचा बारीक रवा १ वाटी
* आंबट ताक/दही . (तांदुळ व उडीद ङाळीऐवजी) व बाकी सर्व साहीत्य प्रकार - १  प्रमाणेच
 
कृती:-

प्रथम रवा ताक व पाणी घालून एक तास भिजवून ठेवावा.

एक तासानंतर रवा फुगल्यावर त्यात अर्धा चमचा इनो( फ्रूट साॅल्ट) अथवा चिमूटभर खाणयाचा सोङा घालावा व हलवावे.पुढील कृती प्रकार -१ प्रमाणेच करावी.

आपल्या मौल्यवान सूचना व अभिप्राय, आम्हाला जरूर द्या. आपल्या प्रतिसादाने नव-नवीन पदार्थ करण्यास प्रेरणा मिळते.