ओल्या खोबर्याच्या वड्या(Coconut Barfi)

साहीत्य:-

* नारळाचे खवलेले खोबरे २ वाट्या
* साखर २ वाट्या

* दूध १कप किवा एक लिटर दूधावरची साय अथवा ५०ग्रँम खवा
* मिल्क पावडर पाव वाटी (नसेल तरी चालते
* वेलची पूड

कृती:-

 एक जाड बुडाचे पातेले अथवा कढई घ्यावी व त्यामधे साखर ,खोबरे दूध, मिल्क पावडर सर्व पदार्थ एकत्र करून शिजायला ठेवावे. सतत हलवत रहावे.नाहीतर खाली करपण्याची शक्यता असते.

मिश्रण होत आले की ,गोळा कढईच्या कडेने सुटत येतो.तसे दिसले की मिश्रण झाले असे समजावे व वेलचीपूड घालून हलवून उतररावे.व चांगले घोटून मिश्रण तूपाचा हात लावलेल्या ताटाला थापावा.

थंड झाल्यावर वड्या पाडाव्यात.

टीप:- खोबरे खवताना फार खरवडून खवू नये .नाहीतर खोबरे काळपट येते व वड्यांचा रंग काळा येतो.स्वच्छ पांढर्या होत नाहीत.