काजू कतली घरी बनविणे एकदम सोपे आहे.वेळ पण फारसा लागत नाही. सर्व साहित्य तयार असेल तर फक्त दहा मिनिटे लागतात. तर कशाला भेसळयुक्त बाजारी काजूकतली आणायची ? कशी करायची ते पहा....
साहीत्य:-
* काजू १कप
* मिल्क पावडर १/४कप
* साखर ३/४ कप
* पाणी १/४ कप +२ टेस्पून
* तूप १ टीस्पून
* मिल्क पावडर १/४कप
* साखर ३/४ कप
* पाणी १/४ कप +२ टेस्पून
* तूप १ टीस्पून
* वेलचीपूड ऐच्छीक
* चांदी वर्ख ऐच्छिक
कृती:-
प्रथम काजूची मिक्सर मधून पावडर करून घ्यावी.नंतर बाऊलमधे काढून मिल्क पावडर त्यामधे मिसळून घ्यावी.
नंतर साखरेमधे पाणी घालून एकतारी पाक करावा. साधारणपणे ४ ते ५ मिनिटात पाक होतो.
आता तयार पाकामधे काजू पावडर व वेलचीपूड घालून गोळा होइपर्यंत हलवत रहावे.ती कढईपासून मिश्रण सुटत येते.होत आल्यावर शेवटी तूप घालावे.
तयार मिश्रणाचा गोळा ताटामधे काढावा व साधारण गरम असतानाच मळून पोळपाटावर तूपाचा हात लावून जाडसर पोळी लाटावी. थंड झाले की चाकूने रेषा पाडाव्यात व वड्या काढाव्यात .
अशी काजू कतली आठ दिवस आरामात टिकते. गावी जाताना करून नेंण्यास किंवा काही कार्यक्रम असेल तर आधीच करून ठेवता येते.
टीप्स :
* काजू पावङर मिक्सर चालू -बंद करत करावी. नाहीतर तेल सुटते.
* काजू पावङर चाळून घ्यावी.
* गोळा तयार करताना फार मळू नये, तूप सुटते.
* गोळा तयार करताना फार मळू नये, तूप सुटते.
आपल्या प्रतिसादाने नविन गोष्टी करण्यास प्रेरणा मिळते. आपल्या मौल्यवान सूचना व अभिप्राय, आम्हाला ज़रूर द्या.
No comments :
Post a Comment